Kominike Lapolis |11 July 2018

Lapolis in fer resorti ki swivan en rapor ki zot ti resevwar le 7 Zilyet 2018 kot Kordgard Baie Ste Anne Praslin kot en zonm nasyonalite Filipino ki ti pe okip pozisyon ‘Food and Beverage Manager’ kot lotel Berjaya Praslin Beach ti’n agres en madanm Seselwa ki travay dan sa lotel e koz li serten domaz dan son figir ek son likou, prosedir lenvestigasyon ti konmanse sa menm zour dan sa ka.

Dapre rapor lapolis yer, Merkredi le 10 Zilyet 2018, konplenan dan sa ka in enform zot ki i pa oule kontinyen avek sa prosedir akoz in ganny enformen ki sa zonm in ganny pouse dan sa lotel e prosedir pe ganny fer pour li ganny deporte Sesel e retourn dan son pei.

Touzour dapre rapor, lapolis in deza konfirm lenformasyon deportasyon sa zonm.