Follow us on:

Facebook Twitter LinkedIn YouTube

Archive -Seychelles

Federick Morel i selebre son 100enm lanniverser |02 May 2013

Antoure par son bann zanfan, lezot manm fanmiy, zanmi, lotorite dan son distrik e plizyer lezot envite, Msye Federick Morel ti selebre son 100enm lanniverser Dimans pase.
Sa selebrasyon spesyal ti deroul dan sant kominoter son distrik Les Mamelles kot i pe reste.

Minis Dezinyen Vincent Meriton ki ti prezan kot sa seremoni ti felisit Msye Morel pour ariv sa laz e i ti dir ki pour ariv ziska 100-an i pa en keksoz fasil.

Avan ki Msye Morel ti fet ansanm avek bann envite ki ti prezan, i ti ganny prezante avek son shield par Minis Meriton parey tou bann lezot santener i gannyen.

En lanmes spesyal animen par Per Pierre sorti dan parwas Sainte Thérèse Plaisance e osi byen ki lakoral ti ganny fer an loner Msye Morel.
Parey lezot santener, Msye Morel in osi ganny prezante avek son pannyen manzay (goodies hamper) e mesaz sorti kot Prezidan James Michel.

» Back to Archive