Follow us on:

Facebook Twitter LinkedIn YouTube

Archive - Archive 2004 - July 2013

De madanm i ganny blese swivan en aksidan |16 July 2004

De madanm i ganny blese swivan en aksidan

Drayver sa loto, Sheila Mondon aze 46 an ki reste Anse Aux Pins, ti ganny trete pour douler dan lestoman, vant, lipye e osi dan son lebra kote gos kot apre i ti ganny large.

Sandra Mémé, aze 32 an, en pasaze dan sa loto, in admit Hermitte Ward avek 8 kot kase ek douler dan ledo, lestoman ek zorey kote gos.

Drayver sa bis SPTC pa’n ganny okenn dimal swivan sa aksidan ki ti ariv zedi apremidi kot ronpwen Le Chantier.

Sa loto mark Vivio ti sorti dan direksyon lavil pour al dan sid tandis ki sa bis ti sorti New Port pe desann anvil letan aksidan ti arive.

Dapre Kaporal Antoine Gilbert, en zofisye departman Tenny Dife, ti pran sa lekip en pe letan pour retir sa pasaze ki ti'n pri dan sit loto.

"Lefe ki masin loto ti'n kraze, sa pasaze ti'n pri e sa ti fer li difisil e ti pran en pe letan pour zot kapab retir sa madanm," Kaporal Gilbert ti dir.

Sa loto ki sa de madanm ti ladan apre aksidan 

» Back to Archive