'Lemonn Babylon' pou ariv lo marse byento |17 July 2004

Son nouvo albonm pou konpri nef sanson parey Lemonn Babylon, Kriminel, Destriksyon move Tranzaksyon, Kontan ou Lennmi ek plizyer lezot ankor.

Pou osi annan partisipasyon V.C lo sa albonm avek en sanson ki annan pour tit Dir zot.
Daddy Koul in osi profite pour dedye en sanson spesyal pour bann madanm avek tit Respe pour Fanm.

"Monn dedye en sanson pour bann madanm ek zenn fiy akoz pour mwan zot en kreasyon sakre me pa en lobze," i ti fer resorti.

I ti dir ki son bann sanson i plito ganny retire lo realite, laverite e spirityalite.
Ler i ti pe koz lo tit son albonm Lemonn Babylon i ti dir ki fodre pa konfiz Babylon ek lapolis, akoz dan konteks labib i plito bann keksoz satanik ki pe ganny deroule dan lemonn aktyelman.

Sa albonm in ganny anrezistre kot Back to Back Studio, Bel Ombre par Ralph Mathiot.
Albonm i kout 125 roupi e i pou ariv lo marse lo Mahe, Praslin ek La Digue an Out ou Septanm sa lannen.