Follow us on:

Facebook Twitter LinkedIn YouTube

Archive - Archive 2004 - July 2013

Kominike Lapolis-6 mwan prizon pour vol |29 April 2009

Sa kondannen ti ganny arete Dimans apre ki en madanm ti fer rapor konmkwa Bacco ti’n vol son larzan ek serten lezot aytenm dan son sak letan ki i ti kot terminal bis Dimans.

Ler i ti pas ankour yer bomaten, sa akize ti ganny sarze e pled koupab pour lofans ki i ti’n komet.

Letan Bacco ti ganny arete tou sa ki i ti’n vole pour sa madanm ti ankor dan son posesyon.

Lapolis i ouver lanket dan en lensidan tantativ mert

Lapolis in komans lanket dan en lensidan tantativ mert ki ti arive Dimans Capucin dan distrik Anse Aux Pins.

Swivan sa lensidan, en zonm 27-an i admit dan younit swen entansif lopital Victoria avek plizyer pike ek blesir lo diferan parti son lekor.
 
De frer zimo in ganny arete e pe ganny detenir koman sispe dan sa ka.

De zonm i pas ankour an koneksyon avek en ka vol avek vyolans

En zonm 23-an sorti Sans Soucis in pas ankour koman sispe dan en lensidan kot 2 lezot zonm ti ganny atake avek gran kouto e ganny vole zot larzan le 7 Fevriye Mont Buxton.

Erezman viktim sa latak pa ti ganny gran dimal.
Sa sispe in ganny rimann ziska le 11 Me zour ki i pou repas ankour.

4 deteni i sove

Lapolis in raporte ki zot pe rod 4 deteni rimann ki’n sove pandan ki zot ti an detansyon legal.

Carl Victor sorti Anse Royale ek Jonathan Leon sorti Anse Aux Pins ti sov santral, tandis ki Martin Bamboche sorti Machabee ek Michael Quatre sorti Corgate Estate ti sov kot lakour.

Tou le 4 eskape, ki ti pe ganny detenir an koneksyon avek lofans vol, in sov okour sa mwan Avril.

» Back to Archive