Kominike Lapolis-Suspected pirates remanded |05 May 2009

This brings to 12 the number of Somalis being remanded here as suspects in piracy activities.
Meanwhile the police are continuing their investigations into the incidents.

Lofans koz dimal grav

De parmi 3 zonm in ganny rimann an relasyon avek lofans koz dimal grav zot viktim. Sa bann lensidan in ariv a 3 diferan lokazyon e dan diferan landrwa.
 
Premye lensidan ti ariv borlanmer Anse Boileau Vandredi le 1 Me kot en zonm 33-an sorti Caiman Estate ti bles son viktim avek gran kouto dan lanmen. Viktim sa lensidan i admit lo ward lopital Victoria. Sispe dan sa ka ti ganny arete Sanmdi e in ganny rimann ziska Le 11 Me zour ki i pou repas ankour.

Dezyenm lensidan ti ariv Vandredi le 1 Me Takamaka kot sispe i en zonm 44-an. I ti pik son viktim dan lestoman ek dan ledo. Sa sispe, ki ti ganny arete menm zour, in ganny rimann ziska le 13 Me zour ki i pou repas ankour. Viktim i en zonm 36-an e i ankor admit lopital Victoria.

Trwazyenm lensidan ti ariv Port Glaud Dimans granmaten kot en zonm 29-an ti pik son viktim dan son kote avek en zouti pwent. Sispe dan sa enn ka ti ganny arete son apremidi Dimans menm. Konpare avek sa 2 ka avan, sa sispe in ganny large antretan ki lapolis i kontiny zot lanket.

3 deteni rimann in sove

Lapolis in raporte ki ankor 3 deteni rimann in sove an detanson legal. Tou le 3 ti sov apre ki zot ti pe kit lakour.
Sa 3 rimann i Derreck Hoareau alias “Arab” ki sorti Baie Lazare, Daniel Tirant ek Ronny Sanders alias “Sonnen”.

Antretan lapolis i ankor pe rod Karl Victor sorti Union Vale, Jonathan Leon sorti Anse Aux Pins, Martin Bamboche sorti Machabee ek Michael Quatre sorti Corgate Estate. Sa 4 deteni ti sov okour mwan Avril.
Lapolis pe demann lasistans manm piblik pour ed li atrap sa bann deteni rimann.