Follow us on:

Facebook Twitter LinkedIn YouTube

Archive - Archive 2004 - July 2013

La Belle Praslinoise i fer son dernyen parkour |07 September 2011

La Belle Praslinoise i fer son dernyen parkour

La Belle Praslinoise pe fer son bann dernyen voyazSa bato an bwa, ki pour Msye Luc Grandcourt, pou byento ganny ranplase par La Belle Praslinoise II ki pli modern.

Msye Grandcourt i dir ki tou-d-swit apre ki tou prosedir in ganny fer e lotorite licensing i donn permi zot pou komans fer sa nouvo bato travay.

I ti dir ki sa enn bato, ki’n ganny konstrir an Zapon, ti en fish carrier e in al ganny repare Sengapour.

La Belle Praslinoise II, ki mezir apepre 36 met longer, i an feray e i annan de cold storage – enn avek en kapasite 20 tonn e lot 10 tonn.

Msye Grandcourt ti azoute ki in vwar li neseser pour rod en lot bato akoz parler serten marsandiz fre ti dekonzele an arivan Praslin e sa ti pe komans vin en problenm.

 
                           Msye Grandcourt (portre a gos) abor La Belle Praslinoise II

I ti dir ki sa nouvo bato pou osi kit Praslin 4er bomaten e Mahé ver midi.
“Sak parkour pou pran apepre 3er-d-tan pour ekonomiz enpe lo karbiran,» i ti azoute.

I ti dir ki apard kargo, pou osi annan plas pour pasaze.

Bokou dimoun i ava rapel ki La Belle Praslinoise ti ranplas Ero, en ansyen bato lafanmir Grancourt ki ti koule apepre 37-an pase.

» Back to Archive