Follow us on:

Facebook Twitter LinkedIn YouTube

Archive - Archive 2004 - July 2013

Kanser i kapab ganny evite |15 October 2011

Bokou kanser i devlope par nou stil lavi atraver fimen, lalkol, manz bokou lagres, e mank legzersis.
Kanser i osi kapab devlope par bann fakter lanvironnman parey soley, radyasyon ek kemikal.
Swiv en stil lavi an bonn sante e anpes ou ganny kanser.

Ki ou kapab fer?

Pa fimen. Si ou fimen, arete.
• Rod sipor ou fanmir e zanmi pour ed ou arete
• Zet tou ou sigaret ek brike
• Zwenn en group sipor
• Frekant dimoun ki pa fimen
Enkli legim ek fri dan sak meni.
• Manz legim ki annan fey ver e fri kouler zonn akoz zot kontyen bokou vitanmin ek mineral
• Manz manze ki annan filas tel ki gro manze, dipen, diri gri ek sereal
• Evit manze ki’n ganny prezerve avek bokou disel
Gard en bon lapeze
• Fer aktivite fizik omwen 30 minit , 5 fwa par semenn
• Retir tou lagres dan lavyann ek lapo poul avan kwi
• Servi dile ki annan mwens lagres ladan tel ki skimmed milk
• Evite manze ki’n griye, barbecue, oubyen fri dan bokou delwil. Plito stew, kwi a la vaper oubyen dan four koman bake
Limit konsonmasyon lakol
• Si ou servi lakol, pa depas plis ki 2 grog par zour
Fer ou bann test regilyerman
• Egzamin ou tete oubyen testikil tou le mwan an servan ou lanmen devan en laglas
• Fer ou test ‘papsmear’ omwen en fwa tou le lannen si ou aktiv seksyelman
Pour plis lenformasyon, kontakte ners dan ou distrik oubyen telefonn helpline Cancer Concern Association lo 2522440.

» Back to Archive