Follow us on:

Facebook Twitter LinkedIn YouTube

Archive - Archive 2004 - July 2013

Sanson Sandra lo en konpilasyon Renyonnen |05 November 2011

Fodre dir ki Toulou i gran frer Pti Barth, ki li osi bokou Seselwa, sirtou bann zanfan, i konn li tre byen e ki’n menm deza performen isi.

Sa kolaborasyon ant Sandra ek Toulou ankor en fwa in vin atraver progranm radyo Hits et News de l’Océan indien prezante e animen par Seselwa Derrick Young Kong.

Sandra avek son manager Patel Esparon ti La Renyon komansman mwan Oktob kot Sandra in fer en video clip e osi rikord 2 sanson sega ki pou paret lo sa konpilasyon ki Toulou pe travay lo la e ki ekspekte sorti La Renyon ver lafen sa lannen oubyen komansman lannen prosenn.
 
Enn sa bann sanson, Sandra i sant litousel e lot i sant avek Toulou. Lo sa konpilasyon pou osi annan sanson par plizyer santer Renyonnen.

Fodre fer remarke ki Sandra i osi pe travay lo en lot son prop albonm ki ekspekte sorti lannen prosenn. Sa 2 sanson pou osi aparet lo son albonm solo.

Msye Esparon i dir ki sa kolaborasyon i enn tre prometan ki ekspekte anmenn ankor plis popilarite pour Sandra dan la rezyon.

M-A. L

» Back to Archive