Follow us on:

Facebook Twitter LinkedIn YouTube

Archive - Archive 2004 - July 2013

En pti garson i noye Baie Ste Anne |20 February 2012

Dapre en zofisye lapolis kot kordgard Baie Ste Anne, Martin, ki ti reste La Digue, ti pe al rod bennzin Baie Ste Anne dan en bato fibreglass ansanm avek son pti ser 7-an, son manman ek 5 lezot dimoun avan zot al Curieuse pour fer piknik.

Apard Martin ek son ser, trwa lezot pasaze dan sa bato ti aze mwens ki 15-an.

Touzour dapre sa zofisye lapolis, sa lensidan ti ariv ver 11er15 bomaten a en distans anviron 250 met avek lakot Baie Ste Anne. I ti dir ki sa bato fibreglass ti savire e apre ki zot ti’n ganny led pour anmas bann dimoun dan delo e devir bato, zot ti remarke ki Martin ti manke.

Zot ti vwar son lekor ver 12er50 apremidi. Lekor Martin ti ganny transporte Lopital Baie Ste Anne kot dokter ti serftifye li mor. Lapolis in ouver en lanket dan sa lensidan.

» Back to Archive