Follow us on:

Facebook Twitter LinkedIn YouTube

Archive - Archive 2004 - July 2013

Kominike Lapolis-Vol arme kot ‘Cash Plus Money Exchange’ |24 February 2012

Kominike Lapolis-Vol arme kot ‘Cash Plus Money Exchange’

Zofisye lapolis andeor lofis ‘Cash Plus Money Exchange’ swivan sa lensidan

Dapre rapor ti ver 1er06 apremidi ki en zonm ti antre dan biro kot sa biznes, glis en bonnen lalenn dan son figir, tir en gran kouto dan son sak, sot lo kontwar, menas sa sel travayer madanm ki ti la, met li minot, met en sifon dan son labous apre sove avek en sonm anviron 200,000 roupi ki zot ti’n ranmase swivan bann tranzaksyon lazournen.

Lapolis ti ganny enformen lo sa lensidan ver 1er20 apre ki sa travayer ti’n kontakte son siperyer ki a son tour ti alert lapolis.

Lenformasyon ki lapolis in resevwar se ki sa sispe ti dan en bonnen lalenn nwanr, en triko lanmans long blan parey ‘overall’ ki lo ledo i ekri Hp, son kannson stil larme ti demi-bwa.

Antretan ki lapolis pe fer lanket dan sa ka, zot pe egalman demann piblik pour asiste zot avek zot lanket par telefonn biro CID pour okenn lenformasyon ki zot kapab annan.

» Back to Archive