Mwan menm i vin lo marse le 5 Mars |25 February 2012

I annan antou sis sanson lo sa CD – Sov Ou lavi, La Digue Dimoun, Met Deor, Mariana, Nou De e Nou Kiltir.

Gerard in dir ki sa bann sanson in ganny swazir par son bann fans ki’n osi ankouraz li pour sorti ek sa enn albonm.

Tou sa bann sanson i lo ritm sega eksepte Marianna ki zouk – en sanson ki’n orizinalman ganny sante par Ron Payet.
Mwan Menm in ganny rikorde kot Eddy Telemaque La Misere e i baze lo lavi toulezour.

CD pou ganny vann partou lo Mahé, Praslin ek La Digue. Si ou aste ou kopi ek Gerard i kout selman R75 e dan laboutik i kout R100.

Gerard i dir sa albonm i en kado pour son bann fans e i remersye zot tou pour zot sipor osi byen ki son bann sponsors pli spesyalman Marianne Valentin (La Passe Guest House).

J.L.