Kominike Lapolis |26 May 2012

Christopher Joubert ki reste Pointe Larue in ganny en santans 18 mwan prizon pour vole dan en laboutik ki lwe film Mare Anglaise Sanmdi pase.

******
Larry Soopramanian in kondann 5 mwan prison pour lofans pran larzan avek son viktim lo fo preteks. Soopramanian i annan ankor lezot ka ki lapolis pe fer lanket kont li ladan.

******
En zonm 29-an ki reste La Retraite in ganny rimann pour 7 zour an koneksyon avek en ka kas laboutik e vole La Retraite pandan sware le 11 pour al lo granmaten le 12 Me.
Antretan lapolis i ankor pe rod en dezyenm sispe dan sa ka.