Kominike Lapolis |23 June 2012

Swivan sa loperasyon lapolis in dekouver e sezi plizyer aytenm ki paret i sorti direk dan magazen, bann itenm parey sak lekol, kousen, bros-a-dan, lenz, po fler, eksetera.
Parmi bann sarz ki sa 5 sispe pe fer fas avek i lofans kas batiman e vole osi byen ki lofans resevwar e osi an posesyon propriyete vole.

Tou le 5 sispe ki ti ganny arete yer bomaten in pas ankour yer apremidi e zot in ganny rimann ziska le 3 Zilyet.

Zisteman reseler i enn bann group dimoun ki lapolis pe al entansifye lalit kont dan lesey pour konbat lofans vol dan pei.

Depi lannen komanse, in annan dimoun ki’n kondannen pour en tel lofans. I annan ki’n ganny sarze e zot lo  rimann e i egalman annan ki’n fini ganny sarze e ganny large lo serten kondisyon par lakour.

Apard reseler, lapolis in osi dir ki zot pe sorti for pour met en kontrol avek bann ki pe pas kot lakour e lo laferm zot kanmarad e vol zot fri ek legim.

Lapolis pe demann manm piblik, bazardye e osi propriyeter lezot biznes ki aste fri ek legim pour get byen kote e avek ki zot pe aste sa bann kalite prodwi. La lanfaz i sirtou bann pti ta fri ek legim ki nou vwar enpe partou obor semen.

Lapolis in dir ki dan mazorite ka i tre remrkab ki sa bann fri ek legim ki ganny vole i bann ki pa ankor ni bon pour rekolte.

Lapolis in osi azoute ki menm parfwa i annan fermye ki raporte konmkwa zot ti’n fek fini flit zot bann prodwi ki’n ganny vole.