Kominike Lapolis |06 July 2012
Lakour in dakor pour rimann sa zonm pour 14 zour pour donn letan lapolis fer zot lanket pour etablir ki mannyer koleg sa Otrisyen i manke.
Sa zonm ki’n ganny raporte manke oubyen disparet i annan paspor britanik ek Sid Afriken. I osi propriyeter e kaptenn sa yot.
Lanket dan sa ka i kontinyen.
**********
En zonm 33-an ki reste Anse Aux Pins in pas ankour e ganny rimann koman sispe dan en lensidan kas laboutik e vole Providence le 22 Zen.
Swivan zot lanket, lapolis in reisi rekiper serten propriyete ki i ti’n vole.
Sa sispe pe egalman ganny ankete pour plizyer lezot menm lofans.
I pou repas ankour le 14 Zilyet.
**********
Lapolis in egalman raporte ki en zonm 34-an ki reste Petit Paris in ganny rimann ziska le 13 Zilyet zour ki i ekspekte ganny sarze pour lofans kas lakaz e vole ki ti arive Petit Paris menm le 28 Zen.
**********
En zonm 30-an ek en madanm 23-an ki reste La Retraite in ganny rimann ziska le 13 sa mwan an koneksyon avek lofans “robbery”.
Sa zonm ti ganny arete le 30 Zen e sa madanm Lendi le 2 Zilyet.
Zot ti pas ankour pour premye fwa boner sa semenn.