Lasanble pou kestyonn minis lo size lanplwa |16 October 2012

Manm elekte pour Pointe Larue Jennifer Vel pou demann en kestyon irzan lo lapros gouvernman anver lay-off sa 70 travayer ki aktyelman pe travay avek Agro Industry.

Lasanble pou osi konsider trwa mosyon. Premye mosyon, ki pou ganny table par Lider Zafer Gouvernman dan Lasanble Nasyonal Marie-Antoinette Rose, pe rod laprouvasyon Protokol Opsyonnel lo Konvansyon Drwa bann Zanfan, lo lavant bann Zanfan, prostitisyon e pornografi par bann zanfan ki ti ganny adopte an New York an Me 2000.

Dezyenm mosyon pou ganny table par manm elekte pour Beau Vallon, Mirena Souris, e i pe demann gouvernman pour etablir en gidans kler pour lekel ki kalifye pour tretman gratwit aletranze.

Trwazyenm mosyon table par manm elekte pour Pointe Larue, Jennifer Vel, pe demann Minister Lasante pour fer en letid aprofondi pour etabli lakoz sa lensidans o dan prevalans kanser dan Sesel e kot i posib entansifye son deteksyon boner.