Follow us on:

Facebook Twitter LinkedIn YouTube

Archive - Archive 2004 - July 2013

Kominike Lapolis |27 October 2012

An rezilta sa son met sa bato ti pas lenformasyon avek lapolis, e deswit lapolis ti konmans fer en lanket e trwa zour apre, le 9 Oktob 2012 anviron 10er25 bomaten, sa bato fibre glass ti ganny retrouve Roche Caïman, e bout anler sa bato ti’n ganny repenn. An konneksyon avek sa vol, 2 dimoun ti ganny arete konman sispe dan sa ka e plitar pou pas ankour.

Pandan mwan Oktob in annan en seri vol bato, masin bato ek dyezel ki pe arive lo Praslin. Lapolis i apresye korperasyon piblik ki pe ede avek bi pour nobou atrap sa bann dimoun responsab ki pe fer bann aksyon parey.

****

Lapolis in osi raporte ki le 23 Oktob 2012 en zofisye lanvironnman ti raport avek lapolis ki i ti’n resevwar lenformasyon konmkwa ti annan en tranzaksyon koko-d-mer ki ti pe ganny fer dan en warehouse Providence.

Deswit lapolis ti mont en loperasyon ansanm avek sa zofisye lanvironnman. Pandan sa loperasyon en lafouy ti ganny fer e apepre 355.74 kilo koko-d-mer ki pa ankor matir ti ganny sezi. An rezilta sa trwa dimoun ti ganny arete konman sispe e lanket pe kontinyen.

» Back to Archive