27enm Festival Kreol-Lazenes i aport zot kontribisyon atraver Pipili Kreol |29 October 2012
Sa aktivite, ki’n ganny apele Pipili kreol, ti enn bann aktivite dan kad sa 27enm edisyon Festival Kreol.
Serten semen ti’n ganny bloke pour permet sa aktivite deroule kot Lorloz. Depi 5er apremidi bann zenn ti montre zot talan dan bann diferan morso ladans tradisyonnel. Sa aktivite ti al pour anviron enn erdtan.
Parmi bann ki la pour regard sa bann performans ti Minis pour Tourizm ek Kiltir Alain St Ange ek sef egzekitiv Konsey Nasyonal Lazenes Vicky Van Der Westhuizen.