Lekor en zonm i ganny dekouver kot son rezidans |08 November 2012

Sete en vwazen ki ti telefonn lapolis Mardi anviron 10er07 bomaten, apre ki in ti’n vwar mous pe sorti dan sa lakaz e ler i ti regard par vit, i ti apersevwar Msye Molta vant anba.

Msye Molta, ki son pei natal i Nizerya, in viv Sesel pour plizyer lannen e i ti’n natiralize.
Dernyen fwa ki dimoun ti vwar sa zonm ti Dimans apremidi dan 4er.

Lapolis in dir ki lekor Msye Molta ti’n konmans dekonpoze ler i ti ganny ranmase e an se moman lanket pe ganny fer dan sa ka.