Kominike Lapolis |12 January 2013

 Botsoie ti komet sa bann lofans kas lakaz e vole le 29 ek 30 Desanm 2011 Maldives, tandis ki lofans koz dimal grav ti ariv La Promenade le 6 Zanvye 2012, menm dat ki i ti sove kordgard Anse Etoile apre son larestasyon.

Botsoie pou fer antou 7-an pour bann lofans kaz lakaz e vole, 2-an pour koz dimal grav e 6 mwan pour sove an detansyon legal.

 Sa i fer en total 9-an 6 mwan prizon.
Botsoie ti kondannen Zedi.

****
Lapolis in raporte ki Joseph Thomas ki reste Quatre Bornes, Takamaka, in kondann 1-an prizon yer pour vol en masin koup zerb le 26 Avril sa lannen.

****
Selwyn Confiance, ki reste Bougainville, in ganny en santans 2 mwan pour esey sove pandan ki i ti an detansyon kordgard Baie Lazare an Septanm lannen pase.

****
En zonm 41-an ki reste Glacis ki ti’n ganny anmenn ankour yer pour lofans labi seksyel lo en pti fiy 7-an in ganny large lo kondisyon e i pou repas ankour le 11 Fevriye.

 Parmi kondisyon ki sa sispe in ganny large lo la i en kosyon 5,000 roupi osi byen ki pour remet son bann dokiman vwayaz avek lakour.
 
Sa ka labi seksyel ti ariv le 28 Desanm dan sid Mahe.