Kominike Lapolis |21 January 2013

Sa zonm ki reste Rochon i admit lo ward Lopital Sesel avek blesir lo son fron e dan 3 diferan plas lo son lebra. Son kondisyon in ganny dekri koman stab.

Lapolis i ankor pe rod 2 frer ki reste Sans Soucis ki sispe dan sa lensidan blese.

Sete en ners kot ‘Casualty’ ki ti enform lapolis ki en zonm ti raport lopital bennyen dan disan. Lapolis ti ganny sa rapor ver 6er diswar.

****
Aadil Isaac aze 40-an ki reste Barbarons in kondann 5-an prizon pour lofans sove an detansyon legal. Isaac ti komet sa lofans Kordgard Santral le 14 Septanm lannen pase.

****
Andy Oreddy ki reste Pointe Larue in ganny en santans 3-an prizon pour vol telefonn mobil en madanm Lari Benezet le 16 Zilyet lannen pase.

****
Lapolis in egalman raporte ki Daniel Marie ki reste Belvedere in ganny en kondannasyon 5-an prizon pour kas stor e vol serten kantite pake sigaret kot Amalgamated Tobacco, Anse Des Genets an Out 2010.

****
Gustave Mondon ki reste Bougainville in kondann 1-an pour servi langaz obsenn e 18 mwan pour lofans tretman vyolans.

 Mondon ti komet toulede lofans Bougainville le 12 Novanm lannen pase.