Kominike Lapolis |09 February 2013

Nancy Bamboche ki reste Les Mamelles in kondann 1-an prizon pour vole dan laboutik Duty Free Victoria le 13 Out lannen pase.

****
Rodney Estico ki reste Bel Ombre in kondann 2 semenn pour sove an detansyon legal Beau Vallon, 2 fwa 3 mwan ki mars ansanm pour lofans lager avek gard e reziste larestasyon osi byen ki 1 mwan, 3 mwan e 6 mwan ki mars ansanm pour lofans trespas kriminel, tretman vyolans e koz dimal son kanmarad.  Estico ki pou fer antou 9 mwan ek 2 semenn prizon ti komet sa bann lofans le 9, 20 ek 29 Zilyet lannen pase.

****
Gerard Volcy ki sorti Baie Lazare in ganny en santans 6 mwan prizon pour annan dan son posesyon propriyete ki pa pour li.  Le 3 Novanm 2012 lapolis ti dekouver dan son posesyon akseswar pour ‘laptop’ ki i pa ti kapab dir kot in gannyen.

****
Tieno Biscornet, aze 34-an ki reste Riviere Anglaise, in kondann en term 3 mwan ek en lot 4 mwan pour vole dan 2 diferan laboutik anvil le 18 ek le 22 mwan pase.