Kominike Lapolis |19 April 2013

Lekor sa zonm in ganny idantifye konman Daniel Kevin Meme.
Dapre lenformasyon ki lapolis in ranmase sa msye ti’n absante kot son lakour depi Merkredi 2er apremidi. Lapolis in konmans en lanket dan sa ka.

****
Lapolis in osi raporte ki Raynold Barbe e Francis Rose ki reste Baie Ste Anne Praslin e Christopher Volcère ki reste Grand Anse Praslin in kondann 1-an prizon pour pa devwal lofans vole an servan vyolans konmet par en lot akize.

Zot ti komet sa lofans le 30 Out, 2011 ler zot ti konnen ki en zonm ti’n vol 174,000 roupi pour en madanm an servan vyolans e zot ti kasyet sa.

Zot in osi kondann 3 mwan prizon pour resevwar popriete ki zot ti konnen ou annan rezon pour krwar i popriete ki’n ganny obtenir ilegalman. Santans pou mars separeman.

****
Jude Jean ki reste St Louis in kondann 9-an prizon pour 3 sarz vol. I ti komet enn sa lofans vol le 18 Mars 2012 kot i ti vol en senon larzan avek pandan pour en madanm pour en valer 2500 roupi. Dan sa de lezot ka, Jean ti vol de telefonn portab anvil pandan mwan Zanvye 2013, enn valer 100 Ero e lot 2600 roupi.

****
Lapolis in osi raporte ki en zonm aze 25-an ki reste Côte d’Or, Praslin in ganny anmennen ankour le 14 Avril, 2013 lo lofans koz dimal grav e i pe rimann pour 10 zour. Sa zonm ti konmet sa lofans le 13 avril, 2013 ver 8er37 aswar Côte d’Or menm e i ti ganny arete son landmen le 14 Avril, 2013 5er50 apremidi. Lapolis pe kontiny zot lanket dan sa ka.