KominikeLapolis |09 May 2013

Sa zonm ti dir sa letan i ti pe anbarke Praslin lo avyon pour vin Mahe Lendi. Lafouy dan son morso bagaz e lo avyon ti pli tar demontre ki sa zonm ti’n fer en fo alert. Sa lensidan ti ganny raporte lo erport Amitié Praslin Lendi ver 10er45 bomaten.

****

Francis Joseph Crispin ki reste Bel Air, Praslin ti kondann 2 fwa 8-an semenn pase  pour 2 diferan lofans labi seksyel lo 2 diferan zanfan an 2008.
Son 2 term prizon pe mars ansanm. Parkont  sa 8-an pour sa 2 ka pou komans apre ki i konplet en lot 8-an prizon ki i ti kondannen 3 semenn pase pour en lot ka labi seksyel lo en zanfan anba laz. Sa i vedir ki pandan sa dernyen 3 semenn Francis Joseph Crispin in kondann 16-an prizon pour 3 diferan ka labi seksyel.
****

Lapolis in egalman raporte ki lakour in Lendi kondann Philip Fred ki reste Pascal Vilaz 8-an prizon pour lofans labi seksyel lo en fiy anba laz, en lofans ki Fred ti komet an Avril lannen pase.

****

Peter Matombe ki reste Port Launay li in ganny en santans 4-an prizon pour lofans akt endesan kont en fiy anba 15-an.

****

Lapolis in raporteki Davis Lesperance ki reste Beau Vallon in kondann 3-an pour lofans antre dan lakaz ek 1-an edmi pour vole. Lesperance ti komet sa 2 lofans kot lakour en madanm Beau Vallon le 12 Fevriye 2010.
Son 2 term prizon pou mars separeman.

****

Egbert Morgan ki reste Anse Aux Pins in kondann 5-an prizon pour lofans sove pandan ki i ti an detansyon legal. Egbert ti komet sa lofans letan i ti sove prizon le 29 Me 2009.
Sa 5-an pou mars separeman avek en lot term 1-an ki in fek kondannen pour koz dimal son kamarad.

****
 Terence Charles ki reste Port Launay in ganny en kondannasyon 1-an 3 mwan pour kase ek 2-an pour vole dan lakaz – 2 lofans komet kot lakour en msye Beoliere le 12 Septanm 2011. Sa 2 term prizon Charles pou mars separeman ki fer li en total 3-an 3 mwan prizon.