Follow us on:

Facebook Twitter LinkedIn YouTube

Archive - Archive 2004 - July 2013

En zonm i mor dan en lot aksidan fatal |20 May 2013

En zonm i mor dan en lot aksidan fatal

Landrwa kot sa aksidan fatal ti arive

Sa aksidan ti ariv devan Kannu’s Shopping Centre avan stasyon petrol Beau Vallon. Bokou dimoun ti temwany sa aksidan e i annan ki ti ede pour tir sa zonm dan son transpor e osi apel lanbilans.

En temwen dan zanmerant i dir ki  apre  ki i ti’n antann en gro tapaz i ti taye  pour vin gete e la i ti vwar en loto mark Pegueot  ki ti’n vir anba lao avek son drayver ki ti’n tonb vant anba avek bokou disan ki ti pe sorti dan son labous.

Sa loto ti sorti direksyon lavil e dapre rapor i ti pe esey overtake en transpor ler sa aksidan ti arive.
«Ti annan en pick- up ki ti’n park par devan e ler i ti vwar ti’n tro tar  e i ti al tap dan en poto elektrik,» sa temwen ti rakonte.
I ti azoute ki lanbilans pa ti tro tarde pour arive e toudswit bann paramedics ti fer zot mye pour esey donn premye swen sa zonm me sa temwen i dir ki plitar zot ti ganny enformen ki sa zonm  ti’n mor.

Lapolis in konfirmen ki ti ver 3er05 Sanmdi apremidi ki Olivier Monthy ti ganny sertifye mor Lopital Sesel.
Fodre fer remarke ki sa i 3enm aksidan fatal pour sa lannen e i pa fer premye fwa ki i annan en aksidan fatal lo sa morso semen.

» Back to Archive