Dife i detri en lakaz La Digue |01 June 2013
Ti annan 4 dimoun dan sa lakaz kot Msye Roy Ernesta ek son fanmir ti pe reste ler sa dife ti deklare ver 9er55 aswar.
Pandan ki lapolis ek servis tenny dife ek sovtaz i kontiny zot lanket pour determin lakoz sa dife, sa fanmir ki Zedi swar ti ganny eberze par manm zot fanmir e Vandredi swar ti dormi dan biro Lakrwa Rouz La Digue, i ekspekte bouz dan en lakaz HFC (Housing Finance Company) La Passe ozordi bomaten.