Sa semenn dan Lasanble Nasyonal-Kat minis pou vin reponn kestyon |04 June 2013

Minis pour Zafer Entern ek Transpor, Msye Joël Morgan, e Minis pour Zafer Sosyal, Devlopman Kominoter ek Spor, Msye Vincent Meriton, pou osi prezan pour reponn en kestyon sakenn.

Kestyon pour Minis Morgan i relye avek logmantasyon dan bann ka aksidan semen dan ki bann bis SPTC in enplike resaman, e lot kestyon pour Minis Meriton i an relasyon avek gro dezas ki ti afekte trwa distrik dan les Mahé osi byen La Digue, pli boner sa lannen.

Pou osi annan en kestyon dirzans par lider lopozisyon dan Lasanble, Onorab David Pierre. Kestyon par Onorab Pierre pou ganny adrese avek minis responsab pour transpor, Msye Joël Morgan, e osi minis responsab pour lanplwa, Manmzel Idith Alexander lo alegasyon ki laliny aeryen Qatar Airways in deside pour retir son bann vol Sesel.

Lasanble Nasyonal pou finalman konsider en mosyon ki pou ganny table par dirizan zafer gouvernman dan Lasanble, Onorab Marie-Antoinette Rose. Son mosyon pe demann laprouvasyon en lagreman ant gouvernman Sesel ek lafors arme gouvernman Rwayonm Norvezyen baze isi Sesel dan lankadreman loperasyon militer anti-piratri.