Follow us on:

Facebook Twitter LinkedIn YouTube

Archive - Archive 2004 - July 2013

Vol dan labank ek bizoutri |19 June 2013

 Vol dan labank ek bizoutri

En trwazyenm lensidan vole in osi ganny raporte kot snacks shop Nica Snacks, Victoria House.

Si Nica Snacks ti ouver son laport apre ki voler ti’n vol anviron 700 roupi, labank Credit Union ek bizoutri African Jewels ti deside gard zot laport fermen antretan ki lapolis i kontiny zot lanket dan sa bann ka vol.

Dapre portparol lapolis, Msye Jean Toussaint, sa ka vol kot labank Credit Union ti ganny raporte par en travayer sa labank Dimans bomaten.
Touzour dapre Msye Toussant, anviron 1 milyon roupi in ganny vole dan sa labank apre sa ki ti antre anndan ti’n ganny akse avek strong room (sa landrwa dan ki bann keksoz valer ek larzan i ganny garde dan en labank).

Trwa travayer sa labank i an detansyon lapolis swivan sa ka vol.
Labank Credit Union i repran son servis normal ozordi apartir 9er30 bomaten e bann responsab pe fer konnen tou kliyan ki zot pa’n perdi okenn larzan ki dan zot kont vi ki tou propriete Credit Union enkli larzan i kouver par lasirans.

Zofisye CID ek lapolis pe pran lanket kot labank Credit Union Lendi

Trwa lezot dimoun in ganny arete dan sa lensidan vol kot bizoutri African Jewels, ki sitie pros avek laboutik Trendy anvil.

Msye Toussaint i dir ki se en endividi ki ti pe pase dan sa zanmerant Lendi granmaten ki ti remarke ki sa bizoutri ti’n ganny kase e i ti raport sa ka avek lapolis.
Dan sa enn ka, voler in vol bizou ek bann mont ki ti trouve dan vitrin sa magazen.

Bizou ek mont ki ti trouve dan vitrin African Jewels in ganny vole

Zournal Nation in aprann ki sa i dezyenm fwa ki voler i kas sa bizoutri dan lespas 2 semenm.
Yer bomaten ti osi annan rimer ki dimoun ti’n kas labank Barclays Baie Ste Anne Praslin. Me lapolis in dir ki se en motoris ki ti aksidantelman tap dan sa labank e andomaz laport letan i ti pe fer aryer apre ki i ti’n tir larzan lo ATM.

» Back to Archive