Follow us on:

Facebook Twitter LinkedIn YouTube

Archive - Archive 2004 - July 2013

En lanmes spesyal i mark lazournen kont labi drog |27 June 2013

En lanmes spesyal i mark lazournen kont labi drog

         Monsenyer Wiehe pe diriz lanmes

Pandan son sermon, Levek Denis Wiehe ti dir ki sak endividi i devret ede pour fer fas avek sa fleo drog dan pei.

Ti osi annan temwannyaz par en zenn ki pe swiv tretman kot sa sant.

I ti dir ki in konsonm drog a en tre zenn laz e ki sa in detri son lavi sirtou son relasyon avek son manman.

Sa zenn garson, ki aze 23-an, ti dir ki sete detrwa mwan pase ki i ti deside pour refer son lavi e rod led avek bann landrwa konsernen.
In fer lapel avek bann zenn ek paran ki pe soufer avek sa fleo drog pour pa ezite pour rod led pour amelyor zot lavi.

Apre sa lanmes, plizyer dimoun ti al vizit en pti legzibisyon ki ti ouver selman yer kot sa sant.

Manm piblik pe visit legzibisyon

Parmi bann egzibit ti bann aktivite ki sa sant i organize pour son bann kliyan e bann diferan terapi. Bann ki ti prezan ti osi kapab aprann plis lo sa sant ek bann servis ki i ofer.

» Back to Archive