Follow us on:

Facebook Twitter LinkedIn YouTube

Archive - Archive 2004 - July 2013

Artis lar vizyel i ganny met azour avek plan zot lasosyasyon |13 July 2013

Artis lar vizyel i ganny met azour avek plan zot lasosyasyon

Msye Libanotis pe adres bann manm Larvizyel pandan zot rankont

Tyermenn Alcide Libanotis in dir ki sa rankont in osi lokazyon pour formelman entrodwir bann artis avek komite egzekitif sa lasosyasyon.

Bann lezot manm i Juliette Zelime (vis-tyermenn), Catherina D’Offay (trezorye) e Marie-Mai Marie.
James Auguste ek Lester Augustin i de manm ordiner lo sa komite.

Msye Libanotis ti azoute ki zot in osi fer diskisyon lo zot konstitisyon e bann ki ti prezan pou byento prezant serten lamannman avek komite.

Logo ek ladres email sa lasosyasyon ti osi ganny prezante avek bann artis.
Pandan sa rankont zot in osi propoz serten aktivite e repas lo bann ki zot in deza partisip ladan.

Msye Libanotis in dir ki komite pou drafte en progranm edikatif pour fer ki bann artis i kapab anmenn zot kontribisyon anver kanpanny renesans moral.

I ti fer resorti ki vi ki bokou artis i bann ansennyan lar dan lekol, zot pou travay lo en plan pour vwar si sa bann ansennyan pa kapab met en progranm edikatif ki pou vize ver renesans moral dan zot leson lar.

» Back to Archive