Dwayenn Anse Royale i selebre 102-an |17 July 2017

A laz 102-an Madanm Alda Philo i pli vye madanm dan distrik Anse Royale.

Madanm Philo ti selebre son lanniverser 102-an Vandredi le 14 Zilyet e parey labitid son fanmir ek zanmi an kolaborasyon avek biro ladministrasyon distrik ti organiz en pti lafet pour li son landmen Sanmdi swar dan sant kominoter Anse Royale.

Madanm Philo, touzour byen gayar, ti byen kontan ki in ariv sa laz pour koup ankor en lot gato lanniverser e pa bezwen dir ou gato ek kado i ti’n gannyen menm.

Madanm Murielle Marie ti prezant li en hamper lo lapar Prezidan Danny Faure, MNA distrik Madanm Sylvianne Lemiel ti prezant li en kado lo lapar distrik e plizyer lezot dimoun ti osi prezant li kado.

Madanm Philo i aprezan pli vye madanm dan distrik Anse Royale apre ki Madanm Eugenia Songol ti mor sa lannen e ti antere zis zour i ti pou’n ganny 104-an le 26 Me.