Follow us on:

Facebook Twitter LinkedIn YouTube

Archive -Brief

Kominike Lapolis - 5 sispe i pas ankour dan lensidan bagar kot ‘Fire and Ice’ |10 November 2017

Lapolis in raporte ki 5 sispe ti ganny anmennen ankour yer an koneksyon avek  lensidan ki ti arive kot bar ‘Fire and Ice’ -- ansyen ‘Carambole’ -- kot en zonm aze 21-an ti ganny agrese e bezwen ganny met 28 pwen zegwir dan son likou swivan en bagar tou resaman.

Tou le 5 sispe in ganny large lo kondisyon tre serye.

Kat (4) parmi in ganny ordonnen pour plitar ozordi pey en kosyon 25,000 roupi, 2 ‘surety’ 25,000 roupi sakenn, remet zot paspor avek lakour plitar ozordi, pour pa frekant okenn nightclub, diskotek, zot bezwen raport kordgard pli pre toulezour e finalman zot pa devret pe komet okenn lofans ziska zot repas ankour le 30 Novanm.

Sa 5enm sispe li i ti ganny ordonnen pour remet son paspor avek lakour yer menm, i pa devret kit pei, pa frekant okenn diskotek, nightclub, i pa devret pe enterfer avek temwen osi byen ki lapolis.

Sa sispe ki’n sipoze al Praslin plitar yer li i ekspekte repas ankour ankor Lendi apre ankor le 30 Novanm.

 

 

 

 

 

 

 

 

» Back to Archive