Kominike Lapolis


22-June-2012

Sa sispe, ki ti’n pas devan Lakour Mazistra pour ganny sarze, pa’n plede e in ganny large apre ki in siny en kosyon 3000 roupi pour son liberte provizwar.
Sa sispe pou aprezan repas ankour le 13 Zilyet.

**********
Emile Leon ki reste Anse Aux Pins in kondann 3 mwan prizon pour en vol lo Chetty Flat an Me sa lannen.
Ronny Lespoir sorti Belonie in ganny en santans 6 mwan pour vole dan en laboutik anvil an Out lannen pase, tandis ki Jemmy Lespoir ki reste St Louis in kondann 5-an pour vol sak en madanm dan Libreri Nasyonal anvil an Avril 2010.

**********
Lapolis in egalman raporte ki en zonm 35-an ki reste St Louis in ganny rimann ziska le 3 Zilyet, zour ki i pou repas ankour.

Sa zonm, ki ti ganny arete Mardi swar, i sispe dan omwen 3 lensidan kas lakaz e vole pandan lannwit ant le 12 a 15 Zen dan distrik St Louis ek St Louis Bel Air.

Print