Dwayenn Plaisance i fet son 103enm lanniverser


28-June-2012

Madanm Benoit zour son 103enm lanniverserNe le 24 Zen, 1909, Madanm Benoit ti zwayezman e osi tristeman partaz traze son lavi.
 
Madanm Benoit in donn nesans 7 zanfan e in perdi 4 ladan. I ti rakonte ki mannyer lavi pa ti fasil son letan lansentman e ti napa transpor sa lepok pour al maternite e i ti bezwen ganny mete dan lanmak lokal.

Madanm Benoit in travay tou son lavi dan en varyete travay tel ki bat kannel. I ti fer riye andizan ki si son lekor ti ankor kapab menm sa laz i ti pou pe travay.

I ti fer resorti ki i pa’n zanmen ganny gran maladi e ki ziska ozordi avek lagras Bondye i santi li i byen e i apresye swen ki i gannyen avek son pti zanfan, Manmzel Marguerite Figaro, ensi ki son ‘carer’.
 
Parmi bann swe Madanm Benoit i ki i viv ankor enpe lannen e zouir prezans son bann zanfan e pti zanfan, ensi ki vwar en Sesel kot tou sa ki kapab travay i rod en lanplwa olye asize e fer pares.

I ti fer referans e konparezon avek son letan travay kot i ti vwar li bezwen fer nenport ki travay akoz lavi pa ti fasil e i ti bezwen debrouye pour sonny son fanmiy.

 Madanm Benoit dan en portre souvenir avek onorab Aglae ( adrwat) ek manmzel Louise

Apard son fanmiy, prezan pour pas sa moman rar avek Madanm Benoit ti Manm Parlman Distrik Plaisance, Onorab Roma Aglae, ladministrater distrik Manmzel Claudette Louise, ensi ki komite twazyenm-az distrik.

Print