Kominike Lapolis


16-July-2012

Sa 2 frer i France ek George Morel ki reste Anse Kerlan e aze 53 ek 42-an respektivman.

Sete garson France ki ti trouv son papa ater dan lasanmben ver 6.30 bomaten e deswit lafanmiy ti transport li lopital kot i ti ganny deklare mor ver 7er25.

George, pti frer ki reste obor kot France, ti mor en pti pe plitar apre ki i ti’n aprann lanmor son gran frer.

George, ki ti anba tretman medical, ti ganny prononse mor par dokter kot lopital Baie Ste Anne ver 8.20.

Lapolis pe esper rezilta letopsi pour determin lakoz zot lanmor sibit.

**********
Lapolis in egalman raporte ki zot in aret e pe detenir enn zot zofisye swivan en aksidan Sanmdi apremidi Anse François. Sa transpor lapolis ki sa gard ti pe dray ti kit semen letan i ti pe fer direksyon lavil sorti dan sid.

Tes fer lo sa gard in demontre lalkol parlao nivo normal dan son lekor.
Sa transpor in ganny bokou andomaze e en lanket pe ganny fer dan sa ka.

Print