Lasanble pou debat lalwa lo krim


24-July-2012

Lasanble pou debat an premye Misuse of Drug (Amendment) Bill, 2012 ki apard entrodwir bann nouvo definisyon tel ki “canabis”, “authorised person”, “chief officer of NDEA”, “cultivation by enhanced indoor means”, “NDEA agent” e “undercover officer”, i pe propoz set nouvo seksyon.

Parmi bann nouvo seksyon:
• Seksyon 24B i donn pouvwar en Ziz pour fer sorti en warant ki otoriz en zofisye lapolis ou en lazan NDEA pour sirvey laliny telefonn e pou annan akse avek sistenm konpiter ki ganny servi par bann dimoun ki zot sispekte pe partisip dan aktivite ki ganny konsidere en lofans anba sa lalwa. Sa i osi enkli akse avek bann kont banker e rikord finansyel ek komersyal ki sispekte pe ganny servi pour loperasyon bann tel aktivite.

• Seksyon 24C i donn pouvwar Komisyoner Lapolis ou Zofisye Ansarz NDEA pour otoriz en loperasyon organize kot en parsel ki kontenir drog kontrole i ganny delivre avek bi pour idantifye bann dimoun ki enkli dan bann tel lofans. 
   
• E seksyon 24D i donn lakour pouvwar pour donn lord pour detri, anba kondisyon strikt, plant ek sibstans ki kontenir en drog kontrole menm avan bann prosedir legal i konplete pour sa lofans.

Dezyenm proze-de-lwa pe propoz lamannman plizyer seksyon dan Kod Penal ki relye avek bann lofans kont propriyete ki enkli kas lakaz e vole an servan vyolans, labi seksyel kont bann miner par bann adilt, e lofans piratri.

Minis pour Lasante, Madanm Mitcy Larue pou prezan pour sesyon kestyon kot i pou adres sis kestyon ki konsern son minister.

Lasanble pou osi konsider en mosyon ki pe demann gouvernman pour konsider etablir en sistenm pwen ki ava gid laysenns dray lo semen e menm ganny servi koman en penalti kont drayver ki neglizan lo semen. Sa mosyon pou ganny table par Onorab Sylvianne Valmont, manm proporsyonnel Parti Lepep.

Print