Kominike Lapolis


08-August-2012

Larestasyon sa zonm Lendi dan distrik Anse Royale in vin swivan en travay konzwent lotorite prizon avek lapolis.

Antou lapolis in dekouver e sezi 5 telefonn portab, en bon pe bwat sigaret Mahe King, plizyer pake papye sigaret, brike, batri ek charger telefonn ki sa sispe ti’n planifye pour fer antre prizon.

Sa sispe pou repas ankour le 17 Out.
Lotorite konsernen pe ankor enn fwa averti manm piblik an zeneral ki aksyon sever pou kontinyen ganny pran kont nenport ki ki esey fer antre aytenm ilegal prizon.

**********
Lapolis in osi raporte ki sa 3 zenn-onm ki ti ganny arete e ti pe rimann an koneksyon avek lensidan dezord arive Anse Boileau le 29 Zilyet in formelman ganny sarze pour lofans bat gard, posesyon zouti ofansif, andomaz propriyete e osibyen ki pour konport zot dan fason dezordonnen.

Tou le 3 akize, ki’n ganny large lo en kosyon 4000 roupi, pou repas ankour le 3 Septanm.

**********
Lapolis in raporte ki zot in termin kontra lanplwa sa gard ki ti enplike dan sa aksidan Anse François pli boner sa mwan e ki zot in met sa ka devan lakour pour lofans dray anba lenfliyans lalkol.

Lapolis in adopte en polisi zero tolerans kont manm son lafors ki desarz zot responsabilite anba nenport labi sibstans.

**********
Loperasyon pour atrap Michel Mirabeau i ankor an progre apre de semenn ki sa sispe pour serten lofans kriminel serye ti’n ganny en dele letan pour raport son lekor avek lotorite konsernen.
Antretan ki loperasyon i kontinyen lapolis pe ankor enn fwa demann manm piblik pour asiste zot avek lenformasyon ki kapab ed zot avek larestasyon Mirabeau, aze 35-an e ki en zabitan Pointe Larue.

 

 

Print