Kominike lapolis


28-August-2012

Trwa dan sa 5 akize i reste Les Mamelles tandis ki 2 lezot i sorti Majoie.  Kat parmi zot ti ganny arete Dimans e en senkyenm ti ganny arete yer bomaten.

Lensidan ti ariv kordgard Anse Etoile apre ki en msye ti’n ganny arete swivan  dezord ki i ti pe fer kot en laboutik Pointe Conan.

Apre ganny sarze yer, sa 5 akize in ganny large lo en kosyon larzan e zot pou repas ankour le 10 Septanm. Lapolis pe fer lanket kont en sizyenm sispe dan sa zafer.

***
Hendricks Samson ki reste Takamaka in kondann 6-an prizon pour kase ek 2-an prizon pour vole dan en letablisman touristik Takamaka pandan lannwit le 2 Zilyet sa lannen.
 
Son 2 term prizon pou mars separeman ki fer li en total 8-an prizon. Samson ti kondannen Vandredi le 24 Out.

***
Henri Bristol ki reste Pointe Larue in ganny en santans 15-an ek 2-an prizon pour kas lakaz e vole dan en lakaz pandan lannwit le 26 Fevriye lannen pase dan distrik Pointe Larue.

 Santans Bristol pe mars separeman, savedir i pou fer 17-an prizon.
Bristol ti kondannen Vandredi le 24 Out.

***
Lakour Mazistra in kondann Nigel Franchette ek Nerick Julie ki reste Beau Vallon sakenn 8-an prizon pour vol sak en koup etranze Beau Vallon le 8 Mars sa lannen.

Print