Kominike Lapolis


12-September-2012

En lot zonm ki’n kondann 5-an prizon i Nigel Adonis, 22-an ki reste La Misere. Adonis, ki ti ganny arete le 4 Septanm, ti yer apremidi ganny sarze e in pled koupab pour vol  zouti son papa kot lakour son granmanman le 1 Septanm.

***

Jean-Yves Albert ki reste Union Vale in kondann 15 mwan pour kase e 9 mwan pour vole dan en lakaz. I ti komet sa lofans le 27 Oktob lannen pase Lari Castor.
Son 2 term prizon pou mars separeman ki fer antou en total 2-an.

***

Ricky Azemia ki sorti Mont Buxton parkont li in kondann 18 mwan pour koz dimal grav son kanmarad – en lofans komet an 2009. Lakour in sepandan ordonnen ki 7 mwan ki Azemia in fer lo rimann antou ant 2009 ek 2012 i ganny dedwir lo son santans. Sa i vedir ki Azemia pou fer 11 mwan prizon.

***

Lapolis in egalman raporte ki en zonm 47-an ki reste Le Niol in ganny rimann Lendi an koneksyon avek lanket dan ka kot en madanm 43-an ti ganny kidnap Le Niol semenn pase. Sa sispe ki ti ganny arete Vandredi pase granmaten pou repas ankour le 24 Septanm.

Print