Travayer Yangtze Construction i fer demonstrasyon


10-October-2012

Minis Morgan pe koz avek sa bann travayer

Dapre en reprezantan sa lakonpannyen, sa bann travayer ti pe proteste pour diferan rezon. Parmi zot i annan ki ti’n ganny peye an retar e osi i annan ki pa’n ganny peye ditou.

Serten parmi bann travayer sa lakonpannyen, ki fer konstriksyon lo bann diferan sit isi, in retourn dan zot pei.

Direkter zeneral pour Labour Relations dan Minister Lanplwa ek Devlopman Resours Imen, Jimmy Finesse, pa ti fer okenn komanter lo sa sityasyon me i ti senpleman dir ki sa minister pou donn leksplikasyon plitar pandan lasemenn.

Minis pour Zafer Enteryer ek Transpor Joel Morgan osi byen ki Komisyonner Lapolis Ernest Quatre ti prezan yer kot demonstrasyon ti pe deroule pour esey met sityasyon anba kontrol.

Minis Morgan ti osi koz avek sa bann travayer lakonpannyen konstriksyon Yangtze Construction avan ki zot ti disperse.

Print