Kominike Lapolis


10-November-2012

Lapolis in raporte ki Norris Delcy ki reste Beau Vallon in kondann 4-an prizon pour esey vyol en madanm Nouvelle Vallée le 20 Out 2008.

****
Kevin Edmond ki reste Plaisance in ganny en kondannasyon 3-an pour vol sennon en madanm lo semen piblik obor lekol Belonie segonder le 5 Septanm 2012.

****
Lapolis in raporte ki rezilta letopsi fer lo lekor Msye James Labrosse in demontre ki delo dan poumon ek lemorazi son larat ki’n koz son lanmor. Lekor Msye Labrosse ti ganny ranmase dan son apartman Providence Lendi.
Dan ka Msye Lewis Molta, rezilta letopsi i montre ki i’n mor an rezilta disan kaye dan poumon e problenm leker. Msye Molta ti ganny trouve mor dan son lakaz Dolphin Court, Anse Aux Pins, Mardi.

****
Antretan lapolis in osi raporte ki en lot zonm, Msye Clifford Joseph, aze 62-an, in ganny trouve mor dan lakaz kot i ti pe reste li tousel Anse Baleine. Ti ver 5er55 Zedi swar ki lapolis ti ganny enformen lo sa dekouvert.

Dapre en vwazen ki pa reste lwen avek Msye Joseph, dernyen fwa ki i ti’n trouv li vivan ti Sanmdi pase letan ki i ti’n asiste li pour anmenn li kot dokter apre ki i ti pe konplent douler dan vant.
Lapolis pe esper rezilta letopsi pour etablir lakoz son lanmor.

Print