Kominike Lapolis


04-December-2012

Sa zonm 29-an ki reste Plaisance pe rimann pour 14 zour tandis ki sa garson 17-an ki reste Anse Boileau i lo rimann pour 7 zour. Tou le 2 sispe ti ganny arete zis apre sa lensidan ki ti raporte avek lapolis ver 4er30 granmaten.

Viktim sa lensidan, sa garson 17-an ki reste Anse Aux Pins i admit dan younit swen entansif kot Lopital Sesel e son kondisyon in ganny dekri koman stab.
Lapolis pe kontiny zot lanket dan sa ka.

******
Sa 3 zonm ki ti pe rimann koman sispe pour zot lenplikasyon dan lensidan vol an servan vyolans kot en laboutik Sweet Escott le 17 Novanm in formelman ganny sarze devan Lakour Siprenm yer. Tou le 3 akize pou aprezan repas ankour le 10 Desanm.

******
En zonm 22-an ki reste Vilaz Kensi in ganny rimann koman sispe dan 2 ka vol ki’n arive anvil Dimans le 2 Desanm. Sa sispe ki pou repas ankour le 17 Desanm ti ganny arete yer granmaten.

******
Michel Laramé aze 64-an ki reste Ma Constance in ganny trouve mor kot son rezidans yer bomaten. Lapolis in inisye en lanket an atandan rezilta letopsi pour determin lakoz son lanmor.

Sete en zonm ki reste pa lwen par lao kot Msye Larame ki ti’n remark son bout lipye dan koridor son lakaz e la i ti al gete zis pour dekouver ki Msye Larame pa ti pe reazir. Sa vwazen ti fer sa dekouvert letan i ti pe desanm pour al travay yer bomaten.

Msye Larame, ki ti reste tousel, ti plitar ganny sertifye mor par dokter kot klinik Rivière Anglaise.

Print