Kominike Lapolis


12-February-2013

Sauzier, ki ti ganny trouve ater anviron 20 met avek kot i ti pe reste, ti ganny pike dan son lestoman kote gos e dan son ledo. I ti ganny deklare mor letan i ti ariv Lopital Baie Ste Anne.

Dapre rapor sa lensidan pike ti ariv dan lakaz kot Msye Sauzier ek sa sispe ti pe reste ansanm avek en lot zonm.
Lanket lapolis i kontinyen dan sa lensidan.

****
Lapolis in raporte ki en zonm 38-an ki reste La Misère, skipper abor sa bato ki ti fer kolizyon avek bato Ste Anne Resort & Spa ‘Plaisance’ Vandredi swar in pas ankour yer e in ganny rimann ziska le 18 Fevriye.

Antretan lanket dan sa ka i kontinyen. Sa lensidan ti koz lanmor en zournalis madanm sorti Nouvel Zelann ki ti pasaze dan bato ‘Plaisance’. Sa zournalis ti Sesel pour kouver 3enm Carnaval International de Victoria.

Sa zonm 38-an pe ganny prosekite pour lofans omisid envolonter (manslaughter).

****
Lapolis pe egalman esper rezilta letopsi pour determin lakoz lanmor sibit en viziter Franse aze 58-an ki ti’n al koule Ile Ronde. Dapre 2 koleg ki ti avek sa zonm, zot dalon ki ti’n koul premye pa ti tarde pour remonte e enform zot ki i pa santi li byen e la zot ti asiste e anmenn li ater pour li ganny lasistans medikal. Sa zonm ti ganny anmennen Lopital Baie Ste Anne e ti ganny sertifye mor an arivan laba.

****
Charles Estico ki reste Les Mamelles in kondann 10-an prizon pour lofans kas batiman e vole. Estico ti komet sa lofans le 7 Mars 2011 letan i ti kas Sant Lasante Les Mamelles e vole ladan.

Print