Kominike Lapolis


22-February-2013

Sa i 2 term prizon ki mars separeman. Quatre ti komet sa 2 lofans La Louise le 6 Out lannen pase.

****
Samanth Denis ki reste Anse Royale li in kondann 10-an pour kas lakaz e 1-an pour vole. Son 2 term prizon pe mars separeman ki fer li 11-an prizon. Denis ti komet sa 2 lofans le 27 Novanm lannen pase Anse Royale.

****
Willis Louis Pointe ki reste Pointe Larue in kondann 8-an prizon pour lofans labi seksyel, lofans komet lo en pti garson depi 2004 ziska 2005. Sa letan son viktim ti annan zis 10-an. Pointe i annan en lot zafer parey ki lakour pour pas zizman lo la byento dan ki viktim safwasi i en pti fiy.

****
Lapolis in osi raporte ki i pe osi fer lanket dan en ka kot en madanm 20-an in raporte ganny seksyelman abize par 5 zonm. Sa lensidan in ganny raporte arive dan nor Mahé Merkredi granmaten. Swivan son lanket, pandan lazournen Merkredi, lapolis in aret 2 sispe ki’n ganny anmenn ankour e ganny rimann yer ziska le 7 Mars. Sa 3 lezot sispe ti ganny arete yer e pou ganny anmenn ankour ozordi Vandredi.
Tou le 5 sispe i aze ant 21 a 25-an.

****
Finalman i annan Robin Hoareau sorti Beau Vallon ki’n kondann 5-an pour kas batiman e vole. Hoareau ti komet sa lofans kot klinik Beau Vallon an Fevriye 2010.

Print