Kominike Lapolis


05-April-2013

Lakour pour bann miner in kondann en zenn garson, Ivan Kravtsov, 6 mwan prizon pour lofans posesyon drog ilegal. Son santans in parkont ganny sispann pour 2-an. Sa kondannen i en Ris 16-an ki ti lo vakans isi e i sipoze kit pei le 12 sa mwan.
Kravtsov ti ganny arete avek en pti gin drog kanabis anvil le 26 Mars ver 4.30 apremidi.

******
En zonm 30-an ki reste St Louis in formelman ganny sarze pour lofans vole dan lakaz, en lofans raporte arive le 1 Avril. Sa akize ki an kometan sa lofans ti’n kas serten kondisyon ki i ti deor lo la pour en lot lofans kriminel oparavan, in ganny rimann prizon ziska le 18 Avril zour ki i pou repas ankour. Sa akize ti ganny arete Merkredi.

Print