Minister ledikasyon i envit paran pour vizit NISTI Bel Ombre e lekol Belonie |12 September 2019

Tou paran ki zot zanfan pe bouz lekol Belonie Segonder e Bel Ombre kot NISTI apartir Lendi le 16 Septanm, pe ganny envite pour vizit sa de lenstitisyon dan en vizit ki pe organize Vandredi le13 Septanm bomaten pour permet zot vwar pour zot menm kot zot zanfan pe ale.

Sepandan, Minister Ledikasyon e Devlopman Resours Imen i oule enform tou paran ki napa okenn miting ki minister pe organize pour paran lekol Belonie Segonder ek La Rosière Primer ozordi Zedi le 12 Septanm.

Parey tou paran ki annan zanfan dan lekol La Rosière Primer – P1, P2, P5 ek P6 – enkli tou paran ki annan zanfan dan lekol Belonie Segonder – S1, S4 ek S5 – ti’n ganny enformen avan, zot ganny envite pour vizit lekol Belonie Segonder ek NISTI Bel Ombre Vandredi le 13 Septanm, 10er bomaten an montan.

Lenformasyon lo transportasyon e lezot lozistik pour deplasmann bann etidyan pour al lekol pou ganny kominike atraver radyo ek televizyon apartir demen Vandredi.

Paran i osi kapab ganny plis detay pandan zot vizit Vandredi bomaten.

Minister i oule remersye tou paran pour zot konprenezon e partisipasyon.