Parti US i kondann larestasyon Onorab Churchill Gill |09 October 2023

Prezidan United Seychelles (US), Dr Patrick Herminie, in kondann san rezerv larestasyon Onorab Churchill Gill lo Erport Pointe Larue lo alegasyon gri gri.

Dan en kominike yer Dr Herminie i dir ki US i panse ki sa arestasyon “ti rezilta en ‘set-up’ ki annan pour bi imilye Msye Gill, sali son repitasyon e repitasyon son parti, US”.

Prezidan sa parti in sipliy avek gouvernman pour aret abiz zot pouvwar e gaspiy resours leta.

I’n osi dir ki “byento US pou donn en larepons apropriye si gouvernman pa arete ek sa bann ensinifyan”.

Dapre sa kominike, apre larestasyon Onorab Gill, lapolis ti fouy kot son lakaz, pa ti vwar nanryen e apre larg li.

Kominike United Seychelles