Follow us on:

Facebook Twitter LinkedIn YouTube

Domestic

Kominike lapolis | 09 November 2019

Lapolis in raporte ki en ka labi fizik lo en pti garson lekol in ganny anrezistre kont sa ansennyan enplike dan lensidan ki ti arive kot lekol Anse Aux Pins Merkredi. Lanket pe ganny fer dan sa ka. Dapre rapor sa lensidan ti ariv Mardi apremidi kot sa lekol.

****

Ankour sa semenn in osi annan sa zonm, akize dan ka labi seksyel lo 3 miner raporte avek lapolis an Zilyet sa lannen ki’n pled koupab e santans lo li pou ganny prononse par Lakour Siprenm le 26 Novanm. Dan en lot ka labi seksyel raporte an Me sa lannen lo en fiy 14-an ek en lot 11-an, en zonm 72-an, akize dan sa ka in ganny rimann.

****

Finalman lapolis in raporte ki en zonm sispe 31-an ki reste Roche Caïman in ganny anmenn ankour yer kot in ganny rimann an relasyon avek 3 ka kas batiman e vole. Dapre rapor lensidan ti ariv Eden Island le 2 ek le 3 Novanm e sispe ti ganny arete Zedi. Swivan lanket anmennen par lapolis serten zouti sarpantye ki ti’n ganny vole in ganny rekipere.

Lanket dan sa 2 ka i kontinyen.

Devlopman dan sa bann ka i ava ganny kominike letan lakour i rann zizman.

 

 

 

More news