Follow us on:

Facebook Twitter LinkedIn YouTube

Entertainment

Stad Lanmizik pou pare an Fevriye 2020 | 28 November 2019

Stad Lanmizik pou pare an Fevriye 2020

Nouvo Stad Lanmizik anvil i ekspekte pare an Fevriye 2020 (Portre : Anel Robert)

Pandan zot laparans dan Lasanble Nasyonal yer bomaten pandan bann deba lo bidze pour lannen 2020, sef egzekitif Lendistri Kreativ ek Lazans pour Levennman Nasyonal (CINEA), Galen Bresson, ek konseye spesyal pour departman kiltir, Emmanuel D’Offay, ti fer resorti ki Stad Lanmizik, Victoria i ekspekte finalman pare an Fevriye 2020, detrwa mwan apre ki sa fasilite ti ekspekte pare.

Apre plizyer kestyon lo sa size, Msye Bresson ti note ki kou total sa proze ki kapab akomod 6000 personn alafwa, i anviron R22 milyon, e ki sa lazans i ekspekte ranmas en reveni R804,000 anyelman atraver lwe sa fasilite.

Msye D’Offay ti osi eksplike ki rezon ki sa proze in tarde konplete se akoz departman zesyon risk ek dezas in fer serten rekonmandasyon pour bann modifikasyon.

Pandan sa sesyon, lasanble ti konsernen pour konnen si vreman sa fasilite pou pare an Fevriye baze lo diferan problenm ki zot pe rankontre avek sa proze, tel ki konstriksyon en batiman pour bann anplwaye ki pou administre sa stad, osi byenki fasilite parking pour sa stad, me toudmenm bann zofisye ti donn lasirans ki i pou pare sa lannen.

Sa fasilite pou ganny administre par CINEA.

 

Laura Pillay

More news