Follow us on:

Facebook Twitter LinkedIn YouTube

National Assembly

Lasanble i diskit e aprouv alokasyon bidze bann departman ek lazans anba portfey Minis Dezinyen | 29 November 2019

Bidze pour departman Gouvernman Lokal, en sonm 153.853 milyon roupi ti premye pour ganny depouye avan ganny laprouvasyon Lasanble Nasyonal yer bomaten.

Ti Minis Dezinyen Madanm Macsuzy Mondon ek sekreter prensipal pour sa departman, Marie Celine Vidot, ki ti defann sa bidze.

Sekreter prensipal pour Lazenes ek Spor Fabian Palmyre ansanm avek lezot zofisye ti zwenn Minis Mondon pour defann bidze sa departman ki en sonm 9.28 milyon roupi ki Lasanble ti aprouve apre bokou deba.

Bidze pour biro Mer Lavil, en sonm 4.469 milyon roupi ki Mer Lavil limenm Msye David Andre ti vin defann akote Minis Mondon ti osi ganny laprouvasyon Lasanble.

Bidze bann lezot lazans ek departman ki tonb anba biro Minis Dezinyen ki ti osi ganny aprouve san deba ti en sonm 10.391 milyon roupi pour sekretaryat sa lofis limenm, en sonm 93.468 milyon roupi pour departman Kiltir ti osi ganny aprouve. Lazans Servis Tenny Dife ek Sovtaz li osi son bidze 71.805 milyon roupi in ganny aprouve pareyman en sonm 10.988 milyon roupi pour Lenstiti Kreol e en lot sonm 11.562 milyon roupi pour Seychelles Heritage Foundation.

Dan son sesyon ozordi Lasanble pou analiz alokasyon bidze Minister Lapes ek Lagrikiltir osi byen ki sa ki pour Lazans Lagrikiltir.

 

Marie-Anne Lepathy

More news